ისტორია
(ყველა ქვეკატეგორიის კითხვები)

სულ კითხვა: 1220

უფასო: 1218

ფასიანი: 2

38 39 40 41 42

გვერდი 40 / 61

# 782 რას ითვალისწინებდა მოლოტოვ-რიბენტროპის პაქტი?

ნაციონალისტური და კომუნისტური რეჟიმების მხარდაჭერას;

დასავლეთ ევროპის სახელმწიფოთა აგრესიის შეკავებას;

ანტიიმპერიალისტური სამხედრო-პოლიტიკური ბლოკის შექმნას;

აღმოსავლეთ ევროპის ქვეყნების ტერიტორიების განაწილებას.

# 783 რა იყო პერლ-ჰარბორზე იაპონიის თავდასხმის მიზანი?

აშშ-ს მთავარი ნავთობსარეწების განადგურება, რაც ძალიან გააძნელებდა ამერიკელების მიერ საკუთარი სამხედრო ტექნიკის გამოყენებას;

სამხედრო მოქმედებების გადატანა წყნარი ოკეანის სამხრეთ ნაწილში და აშშ-ში დესანტის გადასხმისათვის პლაცდარმის შექმნა;

აშშ-ს წყნარი ოკეანის ფლოტის განადგურება და ამით მომავალ ომში დიდი სამხედრო უპირატესობის მოპოვება;

მშვიდობიანი მოსახლეობის დაშინება, რასაც აშშ-ში დიდი ანტისაომარი მანიფესტაციების დაწყება უნდა გამოეწვია.

# 784 რატომ დაიწყო ომი კორეის ნახევარკუნძულზე 1950 წელს?

სსრკ-ს სურდა ნახევარკუნძულის დაპყრობა და თავისი შენაერთების გაგზავნა იაპონელთა სამხედრო ბაზების წინააღმდეგ;

სამხრეთ კორეამ გადაწყვიტა, დაემხო კომუნისტური ხელისუფლება ჩრდილოეთში და სამხედრო მოქმედებები დაიწყო;

აშშ-ს აქ საკუთარი სამხედრო ბაზების განთავსება სურდა და ნახევარკუნძულზე მყოფი ჩინეთის სამხედრო ქვედანაყოფებს შეუტია;

ჩრდილოეთ კორეამ ძალისმიერი გზით სცადა ორად გაყოფილი ქვეყნის გაერთიანება და სამხრეთ კორეაში შეიჭრა.

# 785 რით გამოირჩეოდნენ ასურელები უძველეს ხალხთა შორის?

ხელსაყრელმა ბუნებრივმა პირობებმა პირველ მიწათმოქმედებად აქცია;

გამუდმებული ომების გამო საუკეთესო მეომრებად ჩამოყალიბდნენ;

დააარსეს სავაჭრო კოლონიები ჩრდილოეთ აფრიკის ტერიტორიაზე;

შექმნეს იმ დროისთვის საუკეთესო ფლოტი ხმელთაშუა ზღვაზე.

# 786 რამ გამოიწვია ათენის მეთაურობით „საზღვაო კავშირის“ შექმნა?

რომაელთა შემოჭრის საფრთხემ;

ფინიკიურმა კოლონიზაციამ;

მეკობრეთა თავდასხმებმა;

სპარსელებთან ომებმა.

# 787 რომელი ისტორიული პროცესის შედეგია ასახული რუკაზე?

სარგონ დიდის თავდაპირველი დაპყრობების;

აქემენიანთა ირანის ტერიტორული გაფართოების;

ალექსანდრე მაკედონელის იმპერიის დაშლის;

სელევკიდების სამეფოს შინაომების დასრულების.

# 788 რომელი მსჯელობაა მართებული ვესტგოთების მიერ 410 წელს რომის აღებასთან დაკავშირებით?

ეს იმპერიის დასასრულის დასაწყისი იყო, რადგან სახელმწიფო ბარბაროსთა შემოსევებს ვეღარ უმკლავდებოდა;

ეს მნიშვნელოვანი გარდატეხა იყო, რადგან ბარბაროსებს რომის არმიაში სამსახური აეკრძალათ;

ამან განაპირობა მათი შემდგომი ლაშქრობა სიცილიაში, სადაც თავიანთი პირველი სახელმწიფო ჩამოაყალიბეს;

ამის წინაპირობა რომულუს ავგუსტუსის მიერ გამოცემული ედიქტი იყო, რომელიც ბარბაროსებს გაქრისტიანებას ავალებდა.

# 789 რა შედეგით დასრულდა ირანისთვის „დიდი ომიანობა“ ეგრისში?

შავ ზღვაზე გასასვლელი მიიღო;

ეგრისი ბიზანტიის გავლენის სფეროდ აღიარა;

კავკასიაში ციხე-სიმაგრეთა სისტემის მშენებლობა შეწყვიტა;

იძულებული გახდა, ადგილობრივი ხელისუფლების აღდგენა ეცნო.

# 790 რაში გამოიხატა პატრიკიოს სერგი ბარნუკის ძის ანტიბიზანტიური პოლიტიკა VII საუკუნის მიწურულს?

დასავლეთ საქართველოში ხაზართა ჯარები შემოიყვანა;

შეუერთდა ქართლის ანუ იბერიის მეფის აჯანყებას;

შეიფარა მწვალებლებად გამოცხადებული მონოფიზიტები;

ეგრისი ანუ ლაზიკა არაბთა გავლენას დაუქვემდებარა.

# 791 რის მოსაწესრიგებლად შეიქმნა „სააჯო კარი“?

ვაჭრობა-ხელოსნობის;

სწავლა-განათლების;

მართლმსაჯულების;

საეკლესიო ცხოვრების.

# 792 როგორ დასრულდა მონღოლთა პირველი ლაშქრობა საქართველოში?

დაიპყრეს მხოლოდ აღმოსავლეთ საქართველო;

გამარჯვების შემდეგ კავკასია დაყვეს დუმნებად;

იძულებული გახდნენ, ზავი დაედოთ საქართველოსთან;

ქართველებთან ბრძოლის შემდეგ დატოვეს სამხრეთ კავკასია.

# 793 რამ აიძულა ჯალალ-ედ-დინი, დაეტოვებინა ხორეზმი?

თემურლენგის ლაშქრობებმა;

მონღოლებთან ომმა;

სელჩუკთა შემოსევებმა;

ყივჩაღთა თავდასხმებმა.

# 794 რატომ გაიზარდა საფრანგეთში გენერალური შტატების მნიშვნელობა ასწლიანი ომის დროს?

მეფე ტყვედ ჩავარდა და შექმნილი ვითარების გამო სახელმწიფოს მართვა გენერალურ შტატებს მოუწია;

მეფეს ფინანსური მხარდაჭერა სჭირდებოდა, გადასახადების საკითხს კი გენერალური შტატები წყვეტდა;

თავისუფალი მოქალაქეებისა და მიწათმოქმედების ჯარში გაწვევა მხოლოდ გენერალური შტატების პრეროგატივა იყო;

საზოგადოების ერთიანობის შესანარჩუნებლად გადაწყდა, რომ ახალ მეფეს გენერალური შტატები აირჩევდა.

# 795 რომელი ქალაქი იქცა რენესანსის ეპოქის უმთავრეს კულტურულ ცენტრად ევროპაში?

კორდობა;

ფლორენცია;

აახენი;

როტერდამი.

# 796 რა იყო 1526 წელს გამართული მოჰაჩის ბრძოლის ერთ-ერთი შედეგი?

ოსმალებმა ალყა მოხსნეს ავსტრიის დედაქალაქს;

საღვთო რომის იმპერიამ შეაჩერა ოსმალთა წინსვლა;

ოსმალებმა დაიპყრეს უნგრეთის ტერიტორია;

ბალკანეთი გათავისუფლდა ოსმალთა უღლისგან.

# 797 როგორ მოიპოვეს XVII საუკუნეში საქართველოში მოღვაწე კათოლიკე მისიონერებმა ადგილობრივი მოსახლეობის კეთილგანწყობა?

უსასყიდლოდ მკურნალობდნენ ავადმყოფებს;

შემოიტანეს ახალი ტიპის სასოფლო-სამეურნეო იარაღი;

დაიწყეს ტყვედ წაყვანილთა სამშობლოში დაბრუნება;

დაეხმარნენ ახალი ტიპის მანუფაქტურების მოწყობაში.

# 798 რა ევალებოდათ ვახტანგ VI-ის მიერ შეკრებილ „სწავლულ კაცებს“?

„ვეფხისტყაოსნის“ შესწორება და გამოცემა;

„ქართლის ცხოვრების“ გამართვა და გადამუშავება;

„დასტურლამალის“ შევსება და რედაქტირება;

„სიტყვის კონის“ შედგენა და გავრცელება.

# 799 რამ განაპირობა 1757 წელს მეზობელი სახელმწიფოს ჯარის საქართველოში შემოჭრა?

სოლომონ I-ის ანტიოსმალურმა პოლიტიკამ;

თეიმურაზ II-ის რუსეთში გამგზავრებამ;

ერეკლე II-ის მიერ ირანისთვის ხარკის შეწყვეტამ;

სოლომონ II-ის მიერ ევროპაში ელჩების გაგზავნამ.

# 800 სახელმწიფო მმართველობის როგორი ფორმა გამოცხადდა 1791 წლის სექტემბერში საფრანგეთში?

აბსოლუტური მონარქია;

საპარლამენტო რესპუბლიკა;

კონსტიტუციური მონარქია;

საპრეზიდენტო რესპუბლიკა.

# 801 რა იყო ნაპოლეონის ეგვიპტეში ლაშქრობის ერთ-ერთი მთავარი მიზანი?

სტრატეგიულად მნიშვნელოვანი სუეცის არხის დაკავება;

ინგლისისათვის კოლონიებთან დამაკავშირებელი გზის მოჭრა;

საფრანგეთის უზრუნველყოფა ხორბლის მარაგით;

სავაჭრო ფაქტორიებზე მამლუქთა თავდასხმების აღკვეთა.

38 39 40 41 42

გვერდი 40 / 61

შესვლა

კონტაქტი

კატეგორიები

ისტორია (ყველა ქვეკატეგორიის კითხვები)

ისტორია
(ყველა ქვეკატეგორიის კითხვები)