ისტორია
(ყველა ქვეკატეგორიის კითხვები)

სულ კითხვა: 1220

უფასო: 1218

ფასიანი: 2

37 38 39 40 41

გვერდი 39 / 61

# 762 რომელ მონღოლურ სახელმწიფოებს შორის მიმდინარე ომის ასპარეზად იქცა საქართველო XIII საუკუნეში?

ოქროს ურდოსა და ილხანთა საყაენოს;

ილხანთა საყაენოსა და ჩაღათაის სახანოს;

ჩაღათაის სახანოსა და ჯუჩის ულუსს;

ჯუჩის ულუსსა და ოქროს ურდოს

# 763 სხვა მიზეზებთან ერთად რამ განაპირობა 1302 წელს საფრანგეთში წოდებრივ-წარმომადგენლობითი ორგანოს - გენერალური შტატების, მოწვევა?

საზოგადოებაში გამოწვეულმა სოციალურმა დაპირისპირებამ;

მეფესა და რომის პაპს შორის არსებულმა კონფლიქტმა;

ესპანეთთან ომის პირველ ეტაპზე განცდილმა მარცხმა;

ბარონებს შორის დაუსრულებელმა ომებმა.

# 764 რომელი კულტურული ტრადიციის აღორძინებას გულისხმობდა XIV საუკუნეში იტალიაში ჩასახული მიმდინარეობა - რენესანსი?

გოთური;

მავრიტანული;

ანტიკური;

კელტური.

# 765 ვისი ზედწოდება უკავშირდება ახალი ოსმალური სამართლებრივი სისტემის შექმნას?

სულეიმან I-ის;

ბაიაზეთ I-ის;

სელიმ II-ის;

მურად II-ის.

# 766 რომელი მსჯელობაა მართებული შაჰის მიერ სიმონ I-ის ტყვეობიდან გათავისუფლებასთან დაკავშირებით?

ხანგრძლივი ტყვეობის შემდეგ სიმონმა ისლამი მიიღო, ამიტომ გაათავისუფლეს და ქართლის ამირად დაადგინეს;

ირანში იცოდნენ, რომ სიმონი ქართლში დაბრუნების შემდეგ ოსმალების წინააღმდეგ იბრძოლებდა და ამიტომ გაათავისუფლეს;

ქართლ-კახეთში დაწყებულმა აჯანყებამ აიძულა შაჰი, მძევლად მყოფი სიმონი გაეთავისუფლებინა;

ირანში ქართლის მოკავშირე რუსეთის მეფის თხოვნას ანგარიში გაუწიეს და სიმონ მეფე გაათავისუფლეს.

# 767 რა წვლილი შეიტანეს XVII საუკუნის საქართველოში მოღვაწე კათოლიკე მისიონერებმა საქართველოში არსებულ საგანმანათლებლო სფეროში?

დააარსეს სკოლები;

დაბეჭდეს სახელმძღვანელოები;

აღადგინეს აკადემია;

ჩამოიყვანეს ევროპელი მასწავლებლები.

# 768 რა უკავშირდება ლუი XIV-ის სახელს?

რეფორმაცია;

აბსოლუტიზმი;

კოლონიური ომები;

განმანათლებლობა.

# 769 რა ღვაწლი მიუძღვის ანთიმოზ ივერიელს ქართული კულტურის განვითარებაში?

ხელმძღვანელობდა „სწავლულ კაცთა“ კომისიას;

შეიმუშავა ქართული ენის ახალი სამწერლობო ნორმები;

მისი ხელმძღვანელობით გადაიწერა „ვეფხისტყაოსანი“;

მისი დახმარებით თბილისში გაიხსნა პირველი სტამბა.

# 770 სად დაამარცხა იმერეთის მეფის ლაშქარმა ოსმალეთიდან გამოგზავნილი ჯარი 1757 წელს?

სოხოისტასთან;

ფარცხისთან;

ხრესილთან;

მურჯახეთთან

# 771 რა ეწოდებოდა ორგანოს, რომელმაც 1791 წელს მიიღო საფრანგეთის პირველი კონსტიტუცია?

დამფუძნებელი კრება;

კონსულთა საბჭო;

დირექტორია;

ეროვნული ხსნის კომიტეტი.

# 772 რა მიზანს ისახავდა ნაპოლეონი „კონტინენტური ბლოკადის“ გამოცხადებით?

რუსეთის სრულ იზოლაციას;

ინგლისის ეკონომიკურ დასუსტებას;

ავსტრიის პოლიტიკურ დაქვემდებარებას;

პრუსიის გავლენის შემცირებას.

# 773 რომელი მსჯელობაა მართებული რუსეთის მიერ ქართლ-კახეთის სამეფოს დაპყრობის თაობაზე?

იმპერატორმა პავლე I-მა გიორგი XII-ის გარდაცვალებისთანავე მოაწერა ხელი სამეფოს გაუქმების მანიფესტს, რომელიც გამოქვეყნდა ქართულ გაზეთებში;

იმპერატორმა ეკატერინე I-მა გიორგი XII-ის გარდაცვალებამდე გამოსცა სამეფოს გაუქმების მანიფესტი და ქართველ თავადებს მის ერთგულებაზე დაფიცება უბრძანა;

იმპერატორმა ნიკოლოზ I-მა რუსეთში გაიწვია სამეფოს დროებითი მმართველი დავით გიორგის ძე და ქართლ-კახეთის სამეფო გაუქმებულად გამოაცხადა;

იმპერატორმა ალექსანდრე I-მა მეფედ არ დაამტკიცა სამეფოს გამგებლად გამოცხადებული დავით გიორგის ძე და გამოსცა სამეფოს გაუქმების მანიფესტი.

# 774 რომელი მსჯელობაა მართებული იმერეთის სამეფოს გაუქმების შესახებ?

გენერალმა ციციანოვმა 1804 წელს დაიკავა ქუთაისი და იმერეთის სამეფო გაუქმებულად გამოაცხადა;

რუსეთმა 1810 წელს სამეფო გააუქმა, ხოლო სოლომონ II იძულებული გახდა ოსმალეთში გადახვეწილიყო;

რუსეთმა დაარღვია სოლომონ I-თან დადებული ხელშეკრულება და 1810 წელს მას ტახტი ჩამოართვა;

გენერალი ტორმასოვი ჯარით შეიჭრა იმერეთში 1804 წელს და მეფე აიძულა ტრაპიზონში გახიზნულიყო

# 775 სხვა მოვლენებთან ერთად რამ მისცა ბიძგი XIX საუკუნის 60-იან წლებში ამერიკის კონფედერაციული შტატების შექმნას?

გენერალ რობერტ ლის ამბოხებამ;

სამხრეთის შტატებში რეზერვაციების გაუქმებამ;

პრეზიდენტად აბრაამ ლინკოლნის არჩევამ;

ჩრდილოეთის შტატებში აბოლიციონისტების დევნამ.

# 776 რა იყო თერგდალეულთა მოღვაწეობის ერთ-ერთი მიზანი?

სახელმწიფო სამსახურში ქართველთა მასობრივი დაწინაურება;

ტრადიციული მანუფაქტურული წარმოების აღორძინება;

საქართველოს ეკლესიის ავტოკეფალიის შენარჩუნება;

ქართველთა შორის განათლების დონის ამაღლება.

# 777 რომელ სახელმწიფოთა შორის დადებული ხელშეკრულებით დასრულდა იმ სამხედრო ბლოკის შექმნა, რომელმაც პირველ მსოფლიო ომში გაიმარჯვა?

რუსეთსა და დიდ ბრიტანეთს;

დიდ ბრიტანეთსა და აშშ-ს;

აშშ-სა და საფრანგეთს;

საფრანგეთსა და რუსეთს.

# 778 რა მოვლენა უკავშირდება კავკასიაში საბჭოთა რუსეთის XI არმიის მოქმედებას?

ამიერკავკასიის დამოუკიდებელი რესპუბლიკის დაპყრობა;

ბათუმის ოლქიდან ინგლისელების განდევნაში მონაწილეობა;

ქართულ ჯართან ერთად თეთრგვარდიელთა დამარცხება;

საქართველოში საბჭოთა ხელისუფლების ძალით დამყარება.

# 779 სხვა მიზეზებთან ერთად რამ გამოიწვია სსრკ-ში განხორციელებული კოლექტივიზაციისას სოფლის მეურნეობის პროდუქციის წარმოების შემცირება?

მთლიანად განადგურდა უცხოური სასოფლო-სამეურნეო ტექნიკა;

მნიშვნელოვნად შემცირდა სახნავ-სათესი მიწების ფართობი;

გლეხებს დაეკარგათ მატერიალური დაინტერესება;

კულაკების უმეტესობა სამუშაოდ ქალაქში წავიდა.

# 780 რომელი მსჯელობაა მართებული ესპანეთის სამოქალაქო ომთან დაკავშირებით?

მეფის მოულოდნელმა გარდაცვალებამ სახელმწიფოში ანარქია გამოიწვია, რაც ძალიან მალე დიდ სამოქალაქო ომში გადაიზარდა;

საპარლამენტო არჩევნებში რესპუბლიკური, მემარცხენე ძალების კოალიციის გამარჯვება ომის დაწყების ერთ-ერთი მთავარი მიზეზი გახდა;

კათოლიკური ეკლესიის მიერ მონარქიის რესტავრაციის იდეის მხარდაჭერა, ომის დაწყების უმთავრეს მიზეზად იქცა;

არჩევნებში მემარჯვენეების გამარჯვებამ გაააქტიურა სეპარატისტული მოძრაობა, რამაც ბიძგი მისცა სამოქალაქო ომის დაწყებას.

# 781 რომელი ისტორიული პროცესის შემადგენელ ნაწილად მიიჩნევა 1938 წელს მიუნხენში გამართული შეხვედრა?

დაშოშმინების ანუ დაყვავების პოლიტიკის;

ცივი ომის ანუ სისტემათა დაპირისპირების;

დეკოლონიზაციის ანუ იმპერიათა დაშლის;

მშვიდობიანი თანაარსებობის ანუ ზავის პოლიტიკის

37 38 39 40 41

გვერდი 39 / 61

შესვლა

კონტაქტი

კატეგორიები

ისტორია (ყველა ქვეკატეგორიის კითხვები)

ისტორია
(ყველა ქვეკატეგორიის კითხვები)