ისტორია>გასული წლების ტესტები
(ყველა ქვეკატეგორიის კითხვები)

სულ კითხვა: 618

უფასო: 618

ფასიანი: 0

6 7 8 9 10

გვერდი 8 / 31

# 702 რომელი მსჯელობაა მართებული X საუკუნის ბოლოს საქართველოში განვითარებულ მოვლენასთან დაკავშირებით?

დავით კურაპალატმა შიდა ქართლის მმართველად ბაგრატი დაადგინა;

იოანე მარუშის ძემ თბილისის ამირა საჰაკი დაამარცხა;

კვირიკე ქორეპისკოპოსმა აფხაზთა მეფედ თეოდოსი დასვა;

ლიპარიტ ბაღვაშმა ჰერეთის მეფე შეიპყრო.

# 703 რაზე შეიძლება მიუთითებდეს ის ფაქტი, რომ XIII საუკუნის დასაწყისში საქართველომ აქტიური როლი ითამაშა ტრაპიზონის იმპერიის დაარსებაში?

ბიზანტიის იმპერიის დასუსტებაზე;

შინაომებზე სელჩუკთა სასულთნოში;

მონღოლთა ბატონობის დასრულებაზე;

ჯვაროსნული ლაშქრობების შეწყვეტაზე.

# 704 რა პირობას ითვალისწინებდა გიორგი VII-სა და თემურ ლენგს შორის დადებული ზავი?

გიორგი VII თემურ ლენგის ვასალობას კისრულობდა, ხოლო თემურ ლენგი საქართველოს აღარ შემოესეოდა;

გიორგი VII სამხრეთ საქართველოს თემურ ლენგს უთმობდა, სადაც დამოუკიდებელი საათაბაგო უნდა შექმნილიყო;

გიორგი VII იღებდა ისლამს, ამის სანაცვლოდ კი თემურ ლენგი მას მთელი საქართველოს ვალად ამტკიცებდა;

გიორგი VII წყვეტდა ხელშეკრულებას ილხანთა საყაენოსთან, ხოლო თემურ ლენგი სამხედრო დახმარებას აღუთქვამდა

# 705 რა მიზნით ჩამოვიდა რომის პაპის პიუს II-ის წარმომადგენელი საქართველოში?

საქართველოს ანტიოსმალურ სამხედრო კოალიციაში ჩართვისთვის;

ქართველთა შორის კათოლიკური სარწმუნოების პროპაგანდისთვის;

ყიზილბაშებსა და საქართველოს შორის მოლაპარაკებებში შუამავლობისთვის;

საქართველოსთან სავაჭრო ურთიერთობის დამყარებისთვის.

# 706 რომელი მსჯელობაა მართებული დიდი გეოგრაფიული აღმოჩენების ეპოქასთან დაკავშირებით?

პორტუგალიელებმა პედრო ალბუკერკის მეთაურობით ევროპელთა შორის პირველებმა მიაღწიეს იაპონიამდე;

ფრანგებმა ლუი ბუგენვილის მეთაურობით აღმოაჩინეს ავსტრალიის კონტინენტი და ჰავაის კუნძულები;

ინგლისელებმა ფრენსის დრეიკის მეთაურობით პირველებმა შეძლეს გარს შემოევლოთ დედამიწისთვის;

ესპანელთა ფლოტმა ქრისტეფორე კოლუმბის მეთაურობით გადაცურა ატლანტის ოკეანე და აღმოაჩინა ამერიკის კონტინენტი.

# 707 რას ითვალისწინებდა 1598 წელს საფრანგეთის მეფის, ანრი IV-ის მიერ გამოცემული „ნანტის ედიქტი“?

ჰუგენოტები ვალდებული იყვნენ დაუყოვნებლივ მიეღოთ კათოლიკობა ან სამუდამოდ დაეტოვებინათ საფრანგეთი;

საფრანგეთი კათოლიკურ სახელმწიფოდ რჩებოდა, თუმცა ჰუგენოტები ღებულობდნენ აღმსარებლობის თავისუფლებას;

საფრანგეთი წყვეტდა კავშირს რომის პაპთან და აყალიბებდა დამოუკიდებელ პროტესტანტულ ეკლესიას;

საფრანგეთი ხდებოდა ლუთერანული სახელმწიფო, სადაც კათოლიკებს შეეძლოთ ეცხოვრათ შეზღუდული უფლებებით.

# 708 რა მიუთითებს XVIII საუკუნის დასაწყისში საქართველოს კულტურულ აღმავლობაზე?

გელათში აკადემიის აღორძინება;

თბილისში სტამბის დაარსება;

ქართულენოვანი გაზეთის გამოცემა;

პროფესიული თეატრის აღდგენა.

# 709 საქართველოს რომელი ისტორიული რეგიონი მოექცა რუსეთის იმპერიის შემადგენლობაში 1828-1829 წლების რუსეთ-ოსმალეთის ომის შედეგად?

აფხაზეთი;

სამცხე;

არტაანი;

ტაო

# 710 ვის მიმართ განხორციელებული ტერორისტული აქტი გახდა I მსოფლიო ომის დაწყების უშუალო საბაბი?

ავსტრია-უნგრეთის ტახტის მემკვიდრის;

იტალიის პრემიერ-მინისტრის;

საფრანგეთის პრეზიდენტის;

გერმანიის კრონპრინცის.

# 711 რომელმა სახელმწიფოებმა გაანადგურეს ასურეთის სამეფო ძვ. წ. VII საუკუნეში?

ეგვიპტისა და მიდიის;

ხეთებისა და ეგვიპტის;

ურარტუსა და ბაბილონის;

ბაბილონისა და მიდიის.

# 712 რა იყო ზამას ბრძოლის შედეგი?

კართაგენელებმა, მარცხის მიუხედავად, შეძლეს ომის გაგრძელება;

რომაელებმა გამარჯვების შემდეგ დაიბრუნეს კუნძული კრეტა;

კართაგენელებმა მარცხის შედეგად დათმეს ბალკანეთის ნახევარკუნძული;

რომაელებმა დამარცხებული კართაგენელები აიძულეს მიეღოთ მძიმე ზავი.

# 713 რომის სახელმწიფოს რომელ მნიშვნელოვან საკითხს არეგულირებდა „მილანის ედიქტი“?

სამხედროს;

წოდებრივს;

რელიგიურს;

სასამართლოს.

# 714 რა შესთავაზა ჰერაკლე კეისარმა ხაზარებს?

იმპერიის დასავლეთ პროვინციებში დასახლება;

აბასიანთა სახელმწიფოს ტერიტორიის გაყოფა;

მომთაბარეთა წინააღმდეგ ერთობლივი ბრძოლა;

სასანიანთა ირანის წინააღმდეგ ომში მოკავშირეობა.

# 715 რომელი მსჯელობაა მართებული VII საუკუნის ახლო აღმოსავლეთის ისტორიის შესახებ?

შეიქმნა ომაიანთა სახალიფო;

დასრულდა ფატიმიანთა დინასტია;

ჩამოყალიბდა სასანიანთა იმპერია;

დაიწყო ჰუნების შემოსევები.

# 716 რომელი მსჯელობა არ არის მართებული?

XI საუკუნის დასაწყისში ბაგრატ III იწოდებოდა აფხაზთა და ქართველთა მეფედ და ასევე ფლობდა კურაპალატის ბიზანტიურ ტიტულს;

XI საუკუნის 20-იან წლებში თრიალეთის დაუფლების საკითხმა გიორგი I-სა და ბასილი II-ს შორის სისხლისმღვრელი კონფლიქტი გამოიწვია;

XI საუკუნის შუა ხანებში ბაგრატ IV-ისა და ლიპარიტის დაპირისპირება საბოლოოდ მეფის გამარჯვებითა და დამარცხებულის გაძევებით დასრულდა;

XI საუკუნის დამლევს „დიდი თურქობის“ შესაჩერებლად გიორგი II სულთანს ეახლა და ყოველწლიური ხარკის გადახდა იკისრა.

# 717 რომელმა მოვლენამ შეუწყო ხელი დავით IV-ს სელჩუკთა წინააღმდეგ ბრძოლის დაწყებაში?

მანაზკერტის ბრძოლაში ბიზანტიელთა მიერ სელჩუკთა დამარცხებამ;

პირველი ჯვაროსნული ლაშქრობის დაწყებამ და იერუსალიმის აღებამ;

არაბთა მიერ სელჩუკების დამარცხებამ და ბაღდადის გათავისუფლებამ;

ხალიფას გარდაცვალების გამო სელჩუკთა შორის დაწყებულმა შინაომმა.

# 718 რომელი მსჯელობაა მართებული გიორგი V-ის მოღვაწეობის თაობაზე?

გაატარა მნიშვნელოვანი საერო და საეკლესიო რეფორმები და შექმნა საეკლესიო სამართლის ახალი წიგნი;

ემზადებოდა ჯვაროსნულ ლაშქრობაში მონაწილეობისათვის, თუმცა სელჩუკთა შემოსევამ ხელი შეუშალა;

ქვეყანა გაათავისუფლა მონღოლთა ბატონობისაგან, გააძლიერა სამეფო ხელისუფლება და აღადგინა ერთიანი სამეფო;

მხარი დაუჭირა რომის პაპის მოწოდებას ანტიოსმალური კოალიციის შექმნის შესახებ და ჯარი გაგზავნა ტრაპიზონში.

# 719 რა მოუვიდა თემურ ლენგის სიკვდილის შემდგომ მის სახელმწიფოს?

დაიმორჩილა ჩინეთის იმპერიამ;

დაიშალა სხვადასხვა პოლიტიკურ ერთეულად;

შეავიწროვა ხორეზმის დიდმა სასულთნომ;

შეიცვალა მმართველი დინასტია.

# 720 რა უკავშირდება XV საუკუნეში მოღვაწე გუტენბერგის სახელს?

წიგნის ბეჭდვის ტექნოლოგიის გამოგონება;

ჰელიოცენტრული თეორიის შექმნა;

პირველი საზღვაო ატლასის შედგენა;

ორთქლის ძრავის აწყობა

# 721 რომელი მსჯელობაა მართებული დიდი გეოგრაფიული აღმოჩენების ეპოქასთან დაკავშირებით?

პორტუგალიელებმა ვასკო და გამას მეთაურობით ევროპელთა შორის პირველებმა მიაღწიეს საზღვაო გზით ინდოეთს;

ესპანელთა ფლოტმა დიეგო კაბრალის მეთაურობით გადაცურა წყნარი ოკეანე და მიადგა ავსტრალიას;

ფრანგებმა ჟან-ფრანსუა ლაპერუზის მეთაურობით პირველებმა მიაღწიეს აფრიკის უკიდურეს სამხრეთ კონცხს;

ინგლისელები ჯეიმს კუკის მეთაურობით პირველები მიადგნენ ბრაზილიის აღმოსავლეთ სანაპიროს.

6 7 8 9 10

გვერდი 8 / 31

შესვლა

კონტაქტი

კატეგორიები

ისტორია>გასული წლების ტესტები (ყველა ქვეკატეგორიის კითხვები)

ისტორია>გასული წლების ტესტები
(ყველა ქვეკატეგორიის კითხვები)