ისტორია>გასული წლების ტესტები
(ყველა ქვეკატეგორიის კითხვები)

სულ კითხვა: 618

უფასო: 618

ფასიანი: 0

გვერდი 7 / 31

# 682 არგიშთი I-ის წარწერიდან ირკვევა, რომ დამარცხებულისგან მან ხარკის სახით აიღო: 41 მინა ოქრო, 37 მინა ვერცხლი და 10 ათასი მინა სპილენძი. რომელი სახელმწიფოსგან აიღო ეს ხარკი ურარტუს მეფემ?

კოლხას;

ბაბილონის;

მითანის;

დიაოხის.

# 683 რა სიახლე შემოიტანა სამხედრო საქმეში მაკედონიის მეფე ფილიპე II-მ?

შექმნა საბრძოლო წყობა ფალანგა;

გამოიგონა საალყო იარაღი ტარანი;

ჯარის ცალკე სახეობად გამოყო კავალერია;

ქვეითი ჯარი დაყო კოჰორტებად.

# 684 რომელი მოვლენა უკავშირდება ირანის შაჰის, ხოსრო I-ის სახელს?

ქალაქ პერსეპოლისის დაარსება;

სელევკიდების სამეფოს დამორჩილება;

ახალი რელიგიური კულტის დაწესება;

სახელმწიფოს დაყოფა ოთხ ადმინისტრაციულ ერთეულად.

# 685 რა მიუთითებს VI საუკუნის პირველი ნახევრის ქართლში ირანის გავლენის დამყარებაზე?

მონოფიზიტობის აკრძალვა;

მეფობის გაუქმება;

ისლამის გავრცელება;

ამირას დანიშვნა.

# 686 რა მოვლენას მოჰყვა შედეგად ჰოსპიტალიერთა და ტამპლიერთა სარაინდო ორდენების დაარსება?

სელჩუკთა გამოჩენას ბალკანეთში;

რელიგიური ომების დაწყებას ევროპაში;

პირველ ჯვაროსნულ ლაშქრობას წმინდა მიწაზე;

არაბთა წინააღმდეგ ბრძოლას პირენეის ნახევარკუნძულზე

# 687 რომელი მსჯელობაა მართებული 1122 წელს დადებული ვორმსის კონკორდატის შესახებ?

ხელშეკრულების თანახმად რომის პაპმა და გერმანიის იმპერატორმა ინვესტიტურის უფლება გაინაწილეს;

შეთანხმებით გერმანიის და ფრანკთა იმპერატორებმა ევროპაში ტერიტორიები გაინაწილეს;

ფრანკთა და ბიზანტიის იმპერატორებმა რომის ყოფილი იმპერიის ტერიტორია გაიყვეს;

კონსტანტინოპოლის პატრიარქმა და რომის პაპმა აღმოსავლური და დასავლური ეკლესიების გაყოფა დაასრულეს.

# 688 რომელი ქალაქი აიღეს ქართველებმა გიორგი III-ის მეფობისას?

ტრაპიზონი;

არზრუმი;

დარუბანდი;

ანისი.

# 689 რომელი მსჯელობაა მართებული მონღოლთა ლაშქრობების შესახებ?

მანგუ ყაენის მმართველობისას მონღოლებმა წარმატებით დალაშქრეს ჩრდილოეთ აფრიკის ქვეყნები;

ჩინგიზ ყაენის გარდაცვალების შემდეგ წარმოებული ლაშქრობებისას მონღოლებმა აღმოსავლეთ ევროპის სახელმწიფოებიც დალაშქრეს;

ჰულაგუ ყაენის მეთაურობით მონღოლებმა რამდენჯერმე დალაშქრეს სამხრეთ-აღმოსავლეთ აზიის ქვეყნები;

ყუბილაი ყაენის წარუმატებელი ლაშქრობების გამო მონღოლებმა საბოლოოდ დაკარგეს კონტროლი ჩინეთზე.

# 690 რომელი ინფორმაცია არ არის მართებული XIV საუკუნის 20-40-იან წლებში საქართველოში მომხდარი მოვლენების შესახებ?

მოხერხდა ქვეყნის პოლიტიკური ერთიანობის აღდგენა;

სახელმწიფომ დაიბრუნა საერთაშორისო ავტორიტეტი;

აღდგა ქართული ეკლესიის ავტოკეფალია;

შეიქმნა სამართლის ახალი კოდექსი.

# 691 რომელი მსჯელობაა მართებული ინგლისის მეფე ჰენრი VIII-ის შესახებ?

რეფორმაციის დაწყებისას მეფემ მხარი რომის პაპს დაუჭირა, თუმცა შემდეგ თავადაც დაუპირისპირდა პაპს;

მეფე თავიდანვე რომის პაპის მოწინააღმდეგე იყო და ამიტომ აქტიურად უჭერდა მხარს ფრანგ ჰუგენოტებს;

რომის პაპის მოწოდებას, დაეცვათ ქრისტიანობა, მეფე მალევე გამოეხმაურა და სამეფოში ინკვიზიცია დააარსა;

მეფე პოლიტიკური მოსაზრებით თავიდანვე მხარს უჭერდა რეფორმაციას, რამაც იგი რომის პაპთან დააპირისპირა.

# 692 რა მოვლენა უკავშირდება ივანე IV-ის მმართველობას?

შვედების დამარცხება პოლტავის ბრძოლაში;

ყაზანისა და ასტრახანის სახანოების დაპყრობა;

ოქროს ურდოს დამარცხება კულიკოვოს ბრძოლაში;

ყირიმის სახანოს საბოლოო დამორჩილება.

# 693 ვინ დაამარცხა ოსმალები 1683 წელს ქალაქ ვენასთან გამართულ ბრძოლაში?

პოლონეთის მეფე იან სობესკიმ;

საღვთო რომის იმპერატორმა კარლოს V-მ;

უნგრეთის მეფე იანოშ ჰუნიადიმ;

შვედეთის მეფე კარლოს XII-მ.

# 694 რას ეწოდებოდა რისორჯიმენტო?

გერმანიის იმპერიის შექმნას;

ესპანეთის მუსლიმთაგან გათავისუფლებას;

იტალიის გაერთიანებისათვის ბრძოლას;

სამხრეთ ამერიკის კოლონიზაციას.

# 695 რომელი მსჯელობაა მართებული 1919 წლის პარიზის საზავო კონფერენციის გადაწყვეტილებებთან დაკავშირებით?

ხელშეკრულების უმძიმესმა პირობებმა გერმანიაში რევანშისტული განწყობილებები გააღვივა, რამაც შემდგომში ნაცისტების გამარჯვებას შეუწყო ხელი;

შეთანხმების პირობებმა არ დააკმაყოფილა აშშ-ს დელეგაცია, ამიტომ მისმა წარმომადგენლებმა უარი განაცხადეს ერთა ლიგის სხდომებში მონაწილეობაზე;

ზავის თანახმად რუსეთმა ვერ მიიღო სათანადო ეკონომიკურ-ფინანსური კომპენსაციები, რამაც საერთო ვითარების გაუარესება და რევოლუცია გამოიწვია;

საბოლოო დოკუმენტმა საფრანგეთის წარმომადგენელთა უკმაყოფილება გამოიწვია, რის გამოც მათ ამ დოკუმენტს ხელი არ მოაწერეს.

# 696 რას გულისხმობდა „ოსტრაკიზმი“ ანუ „ოსტრაკისმოსი“?

დიდი აგორას ხელახალი არჩევნების ჩატარებას;

დროებით მთელი ძალაუფლების არეოპაგისთვის გადაცემას;

სახალხო კრების მიერ არასასურველი პიროვნების დროებით გაძევებას;

ხუთასთა საბჭოს მიერ პიროვნებისთვის არჩევნებში მონაწილეობის აკრძალვას.

# 697 რა იყო კანეს ბრძოლის შედეგი?

რომაელებმა დიდი დანაკარგის ფასად შეძლეს კართაგენელთა განდევნა იტალიიდან;

კართაგენელებმა გაარღვიეს ქალაქ რომთან არსებული თავდაცვითი ზღუდე;

რომაელებმა დიდი მსხვერპლის ფასად დაამარცხეს კართაგენელები;

კართაგენელებმა გაანადგურეს რომაელთა ძირითადი ძალები.

# 698 რამ გადააწყვეტინა სენატორთა ნაწილს კეისრის მკვლელობა?

მსხვილი მიწათმფლობელების მამულების ნაწილის ვეტერანებისთვის გადაცემამ;

მოქალაქეთა მდიდარი ფენისთვის ახალი გადასახადების დაწესებამ;

რესპუბლიკური მმართველობის ფაქტობრივმა უგულვებელყოფამ;

პატრიციების ხარჯზე პლებეების უფლებების გაფართოებამ.

# 699 რომელი ფაქტი არ უკავშირდება ვახტანგ გორგასლის მოღვაწეობას?

ქართული ეკლესიის მმართველობის წესის ცვლილება;

ირანელთა დახმარებით ჩრდილოეთ კავკასიაში ლაშქრობა;

მოკავშირეებთან ერთად დიდი ანტიირანული აჯანყების დაწყება;

სახელმწიფოს ხელახალი ტერიტორიულ-ადმინისტრაციული დაყოფა.

# 700 რა მნიშვნელოვანი მოვლენა მოხდა არაბეთის ნახევარკუნძულზე VII საუკუნის 20-30-იან წლებში?

შეიქმნა პირველი ცეცხლსასროლი იარაღი;

დასრულდა ხალიფების მმართველობა;

ჩაისახა ახალი მსოფლიო რელიგია;

დაარსდა ახალი სავაჭრო პოლისები.

# 701 ვის მოღვაწეობას უკავშირდება პაპის ოლქის შექმნა?

ბიზანტიის იმპერატორ იუსტინიანეს;

ფრანკთა მეფე პიპინ მოკლეს;

საღვთო რომის იმპერატორ ოტოს;

რომის იმპერატორ თეოდოსიუსს.

5 6 7 8 9

გვერდი 7 / 31

შესვლა

კონტაქტი

კატეგორიები

ისტორია>გასული წლების ტესტები (ყველა ქვეკატეგორიის კითხვები)

ისტორია>გასული წლების ტესტები
(ყველა ქვეკატეგორიის კითხვები)